Vigo suma case un cento máis de contaxios por coronavirus

Os casos activos descenden ata os 2.361 --81 menos que este domingo--.

Un traballador sanitario totalmente protexido traslada unha padiola nas inmediacións dunha residencia de anciáns / Europa Press

A área sanitaria de Vigo suma outros 92 contaxios de Covid, segundo se desprende dos datos actualizados este luns pola mañá na páxina web da Consellería de Sanidade con cifras ata as 18,00 horas deste domingo. Deste xeito, os casos activos descenden en Vigo ata os 2.361 –81 menos que este domingo–.

No conxunto de Galicia, os contaxios de Covid-19 seguen en descenso con 444 detectados con respecto ao domingo, 442 positivos deles confirmados por PCR nas últimas 24 horas, mentres que os casos activos seguen en caída e sitúanse en 9.110. A única área sanitaria na que soben os casos activos é a da Coruña e Cee.

TUI E NIGRÁN PASAN A ALERTA VERMELLA

En canto á listaxe de municipios en alerta vermella pola incidencia da pandemia do coronavirus na última semana, esta repuntou este luns a 38, catro máis que o domingo. Isto débese a que volveu a activarse o aviso máximo nas localidades nas pontevedresas de Tui, Vilagarcía de Arousa e Nigrán, ademais das coruñesas de Pontedeume e Ordes.