InicioPolíticaO BNG pide reforzar o servizo de bus urbano de Vigo polas...

O BNG pide reforzar o servizo de bus urbano de Vigo polas novas reducións de aforamento

"Non é aceptable que sigamos vendo buses ateigados e, ao tempo, nas cocheiras de Vitrasa haxa ata 20 autobuses parados sen circular", resolveu o voceiro do BNG local Pérez Igrexas.

PUBLICADO O

O BNG de Vigo demandou un reforzo do servizo de autobús urbano ante as novas reducións do aforamento do mesmo que entrarán en vigor este sábado na cidade e outros municipios galegos.

Mediante declaracións remitidas aos medios, o portavoz da formación frontista en Vigo, Xabier P. Igrexas, urxiu a adopción de medidas en relación á limitación a capacidade dos autobuses ao goberno local e alertou de que a empresa concesionaria non trasladou instrucións ao persoal condutor respecto diso.

Así, lembrou que a orde da Consellería de Sanidade establece que o aforamento dos autobuses debe limitarse ao 50% dos asentos e a unha sexta parte do número máximo de pasaxeiros a pé. “Isto suporá pasar do máximo de 44 persoas que, en teoría, pero non na práctica, estaba a aplicarse ata agora a 26 prazas”, precisou o edil do BNG en Vigo.

Así as cousas, reiterou a necesidade de que o goberno local actúe sobre este servizo, de titularidade municipal, e insistiu na importancia de garantir o cumprimento das medidas establecidas para evitar a propagación da pandemia.

Deste xeito, Igrexas demandou un reforzo das liñas e frecuencias que presentan unha maior afluencia. “Non é aceptable que sigamos vendo buses ateigados e, ao tempo, nas cocheiras de Vitrasa haxa ata 20 autobuses parados sen circular”, resolveu.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...