InicioSociedadeLocalizan unha granada da Guerra Civil nun alpendre dunha vivenda en Salceda

Localizan unha granada da Guerra Civil nun alpendre dunha vivenda en Salceda

Especialista do TEDAX recolleron e desactivaron a granada de morteiro.

PUBLICADO O

- Advertisement -

Especialista do TEDAX do Servizo de Desactivación de Explosivos da Comandancia da Garda Civil de Pontevedra recolleron e desactivaron unha granada de morteiro da Guerra Civil española, que foi atopada nun alpendre dunha vivenda en Salceda de Caselas.

Segundo informaron fontes da Benemérita, o artefacto apareceu cando un particular estaba a limpar un alpendre anexo ao seu domicilio, no barrio de Fonte, en Salceda de Caselas. Este veciño avisou á Garda Civil a través do teléfono 062, e activouse o protocolo por parte dos especialistas en desactivación de explosivos.

O equipo TEDAX desprazouse a esta vivenda e recolleu a granada, modelo ‘Valero’ e de 50 mm. A pesar da súa antigüidade e o seu mal estado de conservación, o artefacto mantiña as súas propiedades explosivas activas, polo que a súa manipulación resulta extremadamente perigosa, xa que os seus mecanismos de seguridade atópanse deteriorados pola corrosión.

A Garda Civil apuntou que unha explosión desta granada podería provocar importantes danos materiais e persoais, podendo alcanzar a súa metralla un radio de 100 metros. Por iso aconsella, no caso de achados desta clase, evitar a súa manipulación, deixando o artefacto explosivo na situación en que se atope, impedindo que ninguén se achegue ao mesmo, e dar inmediato aviso a través do 062.

ÚLTIMAS

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...

O goberno de Vigo rexeita debater unha moción urxente sobre as festas

O grupo municipal do PSOE de Vigo rexeitou este luns debater unha moción de...