A Confraría de Pescadores do Porto de Vigo pon en marcha unha campaña de recollida de residuos

Cartel promocional da campaña. PORTO DE VIGO

A Confraría de Pescadores do Porto de Vigo puxo en marcha unha campaña de recollida de residuos esta semana que deu comezo cunha xornada formativa para os participantes.

Así mesmo, este venres levará a cabo a primeira das limpezas programadas polo colectivo na zona intermareal, mentres que o vindeiro sábado actuarase sobre os fondos da zona da Manquiña e A Guía, segundo recolleu o Porto de Vigo nun comunicado. En concreto, este proxecto atópase financiado nun 75% polo Fondo Europeo Marítimo Pesca (FEMP) e nun 25% pola Consellería do Mar da Xunta.

Ademais, nos últimos meses, o Porto de Vigo retirou do fondo das súas dársenas ao redor de medio centenar de toneladas de residuos, unha iniciativa enmarcada na súa estratexia de Crecemento Azul ou Blue Growth.

Dado o impacto que levan no medioambiente, a saúde humana e a economía as artes de pesca perdidas ou abandonadas, a Confraría de Pescadores avogou por adoptar boas prácticas no manexo de lass ferramentas e equipos que emprega o sector.