Rescatan cinco persoas que se refuxiaron nunha batea tras afundirse a súa embarcación en Moaña

Mobilizouse a aeronave Pesca 1 para o rescate e traslado ao porto de Domaio.

Rescate.

Os efectivos de emerxencias rescataron na tarde do sábado a cinco persoas que se refuxiaron nunha batea despois de que se afundise a embarcación na que navegaban nun lugar próximo a Domaio, en Moaña.

Segundo informou o CIAE 112 Galicia este domingo, a central de emerxencias recibiu unha chamada ao fío da medianoite do domingo dun dos ocupantes da embarcación para pedir axuda.

No seu relato, sinalaba que se atopaba xunto con outras catro persoas nunha batea despois afundirse a dorna na que viaxaban.

A central do 112 pasou o aviso a Salvamento Marítimo e a Gardacostas de Galicia. Estes últimos mobilizaron a aeronave Pesca 1, que procedeu ao rescate e traslado ao porto de Domaio dos afectados, onde esperaba unha patrulla da Policía Local.