InicioSociedadeSeguen aumentando os contaxios na área de Vigo

Seguen aumentando os contaxios na área de Vigo

PUBLICADO O

Galicia detectou en 24 horas un total de 223 novos positivos por coronavirus, o que supón un descenso nos contaxios con respecto aos últimos días e, máis concretamente, unha importante baixada en relación ao sábado, cando se notificaron 281. Con todo, o número de casos activos subiu este domingo en cinco do sete áreas sanitarias galegas, entre elas, a de Vigo.

Segundo o parte diario facilitado pola Consellería de Sanidade, elaborado con datos de última hora do sábado, as persoas curadas subiron ata as 16.758, o que implica que se deu de alta a outros 233 pacientes de COVID-19. En canto aos falecementos, nas últimas 24 horas producíronse outras cinco e o total de vítimas da pandemia ascendeu a 715.

Así, os casos activos de COVID-19 –é dicir, o número de persoas que contan coa enfermidade– reportados este domingo descendeu en 15, polo que o total colócase en 4.350.

En concreto, os datos de Sanidade indican que cinco das sete áreas sanitarias da Comunidade rexistran unha subida no número de casos activos. A que máis crece é a de Ourense, con 527 persoas contaxiadas –18 máis que este sábado–. Tamén ascenden os casos activos en Pontevedra-O Salnés, ata 658 (+7); Vigo, ata 440 (+9); Santiago, a 637 (+11); e Ferrol, ata o total de 184 (+13).

No lado oposto, a área da Coruña e Cee, que continúa acumulando o maior número de casos, baixa este domingo en 45 as persoas coa COVID-19 activa, ata 1.178. Así mesmo, caen na área sanitaria de Lugo, ata 726 (-18).

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...