InicioSociedadeSeguen aumentando paseniñamente os casos na área de Vigo que xa ten...

Seguen aumentando paseniñamente os casos na área de Vigo que xa ten 185

PUBLICADO O

Os casos activos de COVID en Galicia proseguen en aumento este xoves, con 141 máis, e sitúanse en 2.939, despois de incrementarse os contaxios en todas as áreas sanitarias galegas. Un incremento de casos que leva sendo importante na última semana cunha media de case 200 casos ao día.

Así se desprende dos datos actualizados este xoves pola Consellería de Sanidade, que indican que do total de pacientes positivos, 12 seguen en UCI –un menos que este mércores–, 95 atópanse en unidades de hospitalización convencional –11 máis–, e 2.832 en seguimento domiciliario –131 máis respecto da xornada anterior–.

Dos 2.939 casos activos, 1.304 corresponden á área da Coruña e Cee –29 máis que este mércores–; 482 á de Lugo –41 máis–; 404 á de Santiago –22 máis– 185 á de Vigo –oito máis–, 179 á de Pontevedra e O Salnés –14 máis–; 266 á de Ourense –23 máis–; e 119 á de Ferrol –catro máis–.

Sanidade sinalou que, ata o momento, curáronse en Galicia 12.183 persoas, 97 máis que a xornada pasada. Desde o inicio da pandemia morreron con COVID-19 en Galicia 635 persoas, das que 279 eran usuarios de centros residenciais. Destes últimos, 135 afectados faleceron dentro de centros xeriátricos, a última este mércores, unha muller de 93 anos en Orpea Culleredo.

Do total de 2.939 casos activos na Comunidade galega, este xoves 139 están vinculados a centros residenciais, en relación a 99 usuarios e 40 traballadores. O número de PCR realizadas ata a data na Comunidade galega ascende a 317.307 fronte ás 312.766 contabilizadas ata este mércores, segundo os datos actualizados por Sanidade.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...