InicioMedio Ambiente e PatrimonioA UVigo participa nunha novidosa investigación sobre usos terapéuticos dos lodos termais

A UVigo participa nunha novidosa investigación sobre usos terapéuticos dos lodos termais

PUBLICADO O

O Balneario El Raposo, situado na localidade pacense de Puebla de Sancho Pérez, iniciou a segunda fase do seu proxecto de investigación médica –no que participa a Universidade de Vigo– sobre o uso terapéutico dos seus peloides ou lodos termais e a súa aplicación para a mellora de certas patoloxías dexenerativas do aparello locomotor.

Este proxecto desenvólvese xunto á Universidade de Vigo (UVigo) e a de Estremadura e busca crear un novo lodo termal, ao que se lle vai engadir un novo composto BIO, procedente das plantas medicinais que crecen nos campos de cultivo do propio balneario.

Desta forma, este peloide termal terá como obxectivo mellorar o estado de saúde dos clientes que cheguen ao balneario e ser máis eficaz nos tratamentos prescritos do aparello locomotor, informou o establecemento en nota de prensa.

O director xeral de Balneario El Rapaso, Ignacio Cortés, destacou a importancia desta liña investigadora, que seguirá traballando na senda marcada no V Congreso Iberoamericano de Peloides de 2017 para desenvolver esta segunda fase.

Estes lodos naturais nacen no curso dun arroio próximo ao balneario, decantándose nos tanques de maduración onde se recubren de auga mineira-medicinal á súa temperatura natural e onde quedan expostos ás radiacións solares de 5 a 8 meses.

Neste período prodúcense os procesos de oxidación, redución e fermentación para crear a súa peculiar composición e propiedades terapéuticas, sendo un dos poucos balnearios en España e o único de Estremadura que contan cos devanditos lodos naturais.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...