InicioSociedadeSoben os contaxios en Vigo, con oito novos casos

Soben os contaxios en Vigo, con oito novos casos

O gran foco de Galicia está agora na Coruña e está relacionado co porteiro dun local de ocio nocturno.

PUBLICADO O

Os casos activos incrementáronse en 28 en Galicia este sábado e volve superar os 300, máis dun terzo dos cales corresponden á área sanitaria da Coruña, onde o brote relacionado co porteiro dun local de ocio nocturno que acudía a un ximnasio en Arteixo acumulaba o venres 25 contaxios, de acordo cos datos facilitados pola Consellería de Sanidade. Con todo, tamén Vigo incrementa notablemente o número de contaxiados con respecto a días anteriores.

Deste xeito, Galicia ten un total de 308 casos activos este sábado, fronte aos 280 do venres, o que supón que Galicia suma nove días de subidas neste indicador.

En concreto, a área sanitaria na que se volve a producir un maior aumento é a da Coruña, onde hai 20 casos activos máis e o total pasa de 87 a 107. Soben tamén as cifras en Vigo, que suma outros oito, ao pasar de 48 a 56; en Santiago, onde se elevan de 23 a 26 -tres máis–; en Ourense, que sobe de 15 a 17 –dous máis–; e en Pontevedra, que rexistra un caso activo máis que hai un día e acumula 26.

Na área de Ferrol os casos seguen en dous, os mesmos que este venres, mentres que a área de Lugo rexistra o único descenso, con seis casos activos menos. En concreto, o dato pasa de 80 a 74.

HOSPITALIZACIÓNS

No tocante a hospitalizacións, increméntanse nun caso, ata as 13. Ademais, unha persoa segue na UCI, mentres que 294 permanecen no seu domicilio –27 máis que o venres–.

Ata este sábado, Galicia rexistra un total de 11.289 curados –17 máis que no parte anterior– e 619 falecementos, dos que 274 están relacionados con residencias de maiores. A cifra de mortes que deixa a pandemia na Comunidade permanece sen variación desde o pasado 10 de xuño.

DOUS CASOS EN RESIDENCIAS

En canto aos casos de COVID en residencias, mantéñense en dous, despois de que onte transcendese un novo contaxio, xa que deu positivo un traballador da residencia de maiores de Paradela, en Lugo).

Este caso sumar ao positivo dunha traballadora dun centro de Xove (Lugo) que, segundo fontes próximas, contaxiouse, do mesmo xeito que outros familiares, por unha visita procedente de Cataluña.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...