No Edificio Xudicial de Vigo, onde se ubica o Rexistro Civil, hai cada día ringleiras de cidadáns para resolver diferentes trámites, amoreandose na pranta baixa. Non se están cumprindo as prevencións de distanciamento. Ademais, impiden o paso de traballadores que teñen que cruzar polo medio deles na planta baixa onde tamén están os elevadores e o punto básico e central de acceso ao resto das dependencias do edificio, segundo informa Alternativas na Xustiza-CUT.
O número de positivos na comunidade galega incrementouse en 16 persoas nas últimas 24 horas. O total ascende a 246 infectados, ao que hai que engadir as persoas que tiveron contacto con eles, e que deben gardar cuarentena nos seus fogares.
A situación que estamos a padecer no país a finais deste mes de xullo, e que reflicten tódolos medios de comunicación, non fai permisible nin admisible por parte da Administración esta afluencia de xente ante o Rexistro, pois só axuda a incrementar negativamente o número de cidadáns que poidan estar en contacto coa COVID-19, e o incremento do número de contaxios.
Dende Alternativas na Xustiza-CUT esixen, por parte da Dirección Xeral de Xustiza, como órgano do que dependen os funcionarios da Administración de Xustiza e outros responsables, que se adopten as medidas oportunas (urxentes con carácter inmediato) para evitar a masificación de xente dentro do edificio xudicial.
