InicioSociedadeSeguen aumentando os positivos de Covid-19 na área sanitaria de Vigo

Seguen aumentando os positivos de Covid-19 na área sanitaria de Vigo

Son xa 35, tres máis ca onte. No conxunto de Galicia hai un total de 217 positivos, 21 máis que este sábado.

PUBLICADO O

Galicia acumula tres días consecutivos de repunte no número de casos activos de COVID-19. Segundo os datos facilitados este domingo pola Consellería de Sanidade, hai un total de 217 positivos, 21 máis que este sábado.

A área sanitaria con máis casos é a de Lugo –onde se inclúe o brote da Mariña–, con 85 activos, cinco máis que o parte anterior. Tamén aumentan os contaxiados na da Coruña, ata 59 (+7); a de Pontevedra, ata 19 (+4); a de Santiago, a 13 (+2); e a de Vigo, ata os 35 (+3).

No lado oposto, a área sanitaria de Ourense, onde as altas contabilizadas permitiron que baixen en dous os casos activos de coronavirus, ata os 6, mentres que a área de Ferrol continúa este domingo como a única libre de COVID-19.

De acordo coa información da Consellería de Sanidade, do total de pacientes positivos, hai un na UCI e 11 atópanse en unidades de hospitalización, posto que a área da Coruña contabiliza un máis que o sábado. Os restantes, 205 contaxiados, están en seguimento domiciliario.

Ata este domingo, Galicia rexistra 11.220 persoas curadas –nove máis que o parte anterior– e 619 falecementos, dos que 274 están relacionados con residencias de maiores. A cifra de mortes que deixa a pandemia permanece sen variación desde o pasado 10 de xuño.

En canto aos casos de COVID-19 en residencias, a situación continúa estable desde o venres, cando Sanidade notificou o positivo dunha traballadora dun centro de Xove (Lugo) que, segundo fontes próximas, contaxiouse, do mesmo xeito que outros familiares, por unha visita procedente de Cataluña.

O número de PCR realizadas en Galicia ata o momento é de 243.152, o que supón 1.440 probas máis con respecto aos datos do sábado.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...