InicioSociedadeAbren dilixencias contra a delegada de DomusVi en España por presunto delito...

Abren dilixencias contra a delegada de DomusVi en España por presunto delito de homicidio

Ademais da delegada de DomusVi, Josefina Fernández, o xulgado tamén abre dilixencias contra dous altos cargos da Xunta e admite a trámite a querela das fillas de dúas usuarias da residencia DomusVi-Aldán en Cangas.

PUBLICADO O

O Xulgado de Instrucción número 3 de Cangas abriu dilixencias por presuntos delitos de homicidio, lesións por imprudencia profesional e abandono de discapacitados contra a delegada de DomusVi España, Josefina Fernández Miguélez e a directora da residencia de Aldán, Laura Cancelo Álvarez.

Tamén se abriron dilixencias contra dous altos cargos da administración autonómica, a xefa dos Servizos de Inspección de Maiores María Berta Besada Porto e o director xeral de Maiores e Persoas con Discapacidade, Idelfonso de la Campa Montenegro.

Xunto a estas dilixencias o Xulgado de Cangas tamén admitiu a querela das fillas de dúas usuarias da residencia de DomusVi-Aldán, en Cangas. Una das usuarias faleceu dentro da residencia. A outra residente foi sacada pola súa filla logo de sufrir “50 caídas”.

A Federación REDE, que engloa asociacións de familiares de usuarios das residencias de maiores, denuncia nun comunicado que a residencia de DomusVi en Cangas chegou a ocultar casos de infección de sarna. Esta mesma residencia foi unha das intervidas pola Xunta logo de contaxiárense o 70% dos usuarios. Xunto a estas accións xudiciais en Cangas existen outra presentada pola familia dunha usuaria de falecida por covid19 nunha residencia da Coruña.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...