InicioSucesosPiden para un home vigués 17 anos de cárcere por lesionar e...

Piden para un home vigués 17 anos de cárcere por lesionar e agredir sexualmente á súa parella

PUBLICADO O

A Fiscalía solicita penas que suman 17 anos de prisión para un veciño de Vigo como presunto autor dun delito de malos tratos domésticos, un delito continuado de agresión sexual e outro de lesións á súa parella, e que será xulgado o martes na sección cuarta da Audiencia Provincial de Pontevedra.

Os feitos que se xulgarán sucederon o 25 de agosto de 2016 cando, sobre as 14.00 horas e, segundo a Fiscalía, o acusado presentouse nas proximidades do lugar de traballo da súa parella, en Pontevedra, e comezou con ela unha discusión por celos. No transcurso da rifa, O.O.G. golpeou á muller nos brazos, mentres a acusaba de manter unha relación co seu xefe.

Ese mesmo día, sobre as 23:30 horas, e xa no domicilio da parella en Vigo, o acusado renovou a discusión por esasuposta relación que, dicía, a súa parella tiña co seu xefe. Así, con ánimo de menoscabar a integridade física da muller, propinoulle fortes labazadas na cara, empuxouna e tiroulle do pelo.

O.O.G. fíxose cun coitelo e intimidou á vítima, mentres a insultaba e ameazábaa de morte. Estando no dormitorio, abusou sexualmente dela, e propinoulle golpes e patadas por todo o corpo, causándolle diversas lesións: hematomas, equimosis e unha fractura no nocello esquerdo.

Ademais do tratamento polas lesións traumáticas, a vítima precisou tratamento e seguimento psicolóxico e psiquiátrico. Con todo, en declaración xudicial, manifestou a súa vontade de non reclamar indemnización por esas lesións.

PETICIÓN DE PENAS

A Fiscalía acusa a O.O.G. dun delito de malos tratos domésticos, polo que pide 1 ano de prisión, tres anos de prohibición de tenencia e porte de armas, e 3 anos de afastamento da vítima.

Por un delito continuado de agresión sexual, reclama que se lle impoñan 12 anos de cárcere, que se lle prohiba achegarse ou comunicarse coa vítima por 10 anos, así como outros 10 anos de liberdade vixiada. E, polo delito de lesións, pide unha pena de 4 anos de cárcere, e prohibición de achegarse ou comunicarse coa muller por 9 anos.

En canto á responsabilidade civil, reclama unha indemnización de 770,16 euros para o Sergas polos tratamentos médicos que a vítima necesitou.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...