InicioSociedadeAdif adxudica o retirado de pedra da vía no traxecto Guillarei-Redondela

Adif adxudica o retirado de pedra da vía no traxecto Guillarei-Redondela

Estas obras facilitarán as tarefas de mantemento da superestructura de vía.

PUBLICADO O

O Consello de Administración de Adif autorizou a adxudicación do contrato de obras do traxecto Guillarei-Redondela, pertencente á liña férrea de ancho convencional Monforte de Lemos-Vigo ao seu paso pola provincia de Pontevedra.

Segundo informou Adif nun comunicado, o contrato foi adxudicado á compañía Contratas e Servizos Ferroviarios (COSFESA) por importe de 5.710.993,90 euros e conta cun prazo de execución de 10 meses e medio.

As obras, consistentes na retirada do balasto (pedra) da vía na súa totalidade ou parcialmente baixo as travesas, facilitará as tarefas de mantemento da superestructura de vía no relacionado coa xeometría e calidade.

Ademais, esta actuación “optimizará a drenaxe da vía” mediante a mellora das cunetas actuais e a construción doutras novas, o que “beneficiará á seguridade, calidade e fiabilidade do servizo ferroviario ao solucionarse os problemas que causan as precipitacións de auga sobre a plataforma”, destaca Adif.

O proceso realizarase con maquinaria pesada en todo o seu percorrido, exceptuando as zonas que non sexan operables pola máquina, nas que se empregarán outros métodos alternativos. En todo o tramo, procederase finalmente á nivelación e perfilado de vía, o que garantirá a súa correcta posición.

Con carácter xeral, tamén se acometerán actuacións sobre a drenaxe lonxitudinal e transversal da vía: limpeza e reperfilado de cunetas de terra; limpeza, reparación e colocación de tapas nas cunetas de formigón; execución de novas cunetas e limpeza das obras de drenaxe transversal.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...