InicioSociedadeAumentan a 586 os falecidos por COVID19 en Galicia

Aumentan a 586 os falecidos por COVID19 en Galicia

PUBLICADO O

O falecemento doutra persoa nunha residencia de maiores elevou a 586 o número de mortos por coronavirus en Galicia (454 en atención hospitalaria e 132 en centros xeriátricos), segundo os datos trasladados este xoves pola Consellería de Sanidade.

Así, nas últimas horas rexistrouse un falecemento na residencia Remanso Claudina-Somoza (A Coruña), o que eleva a 132 o número de mortes en centros xeriátricos. Ademais, outras 134 persoas falecidas con COVID ata o de agora están vinculadas a centros residenciais (pero morreron, ou ben en residencias integradas, ou ben en hospitais).

Por tanto, o número de vítimas do coronavirus relacionadas con centros residenciais é de 266, o que supón un 45,4 por cento do total de mortes por COVID en Galicia.

Ás persoas falecidas en residencias de maiores hai que sumar outras 454 en atención hospitalaria: 122 na área sanitaria da Coruña, 93 na área de Ourense, 90 na área de Vigo, 78 na área de Santiago, 29 na área de Ferrol, 26 na de Lugo (dúas das persoas, en atención domiciliaria), e 16 en hospitais da área de Pontevedra.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...