A cativada de Redondela recibirá dispositivos de conexión a Internet para seguir as aulas virtuais

Unha iniciativa que se suma á entrega de tarefas escolares impresas e de computadores para facilitar o seguimento das clases impartidas de modo telemático.

O Concello de Redondela dotará de dispositivos de conexión a Internet a escolares co obxectivo de facilitar o seu seguimento das clases impartidas de modo virtual dada a crise sanitaria actual.

Nun comunicado, o goberno local indicou que se adquiriron rúters con conexión a Internet cuxo custo asumirá o Concello ata a finalización do curso escolar.

En concreto, a adxudicación dos dispositivos ao alumnado que careza de conexión a Internet o seu domicilio realizarase en coordinación cos titores dos mesmos, unha iniciativa que se suma á entrega de tarefas escolares impresas e de computadores para facilitar o seguimento das clases impartidas de modo telemático.

A ese respecto, a alcaldesa, Digna Rivas, criticou que a Xunta puxese “toda clase de impedimientos” ao desenvolvemento destas accións por parte do goberno local, en lugar de “axuntar esforzos” con este. Así, a rexedora criticou que o Goberno galego alegase “temas de ‘protección de datos'” en lugar de facilitar a entrega de tarefas escolares impresas ao estudiantado.