InicioSociedadeSanidade non desbota montar un hospital de campaña no Ifevi

Sanidade non desbota montar un hospital de campaña no Ifevi

Vázquez Almuiña cifra entre o 40% e o 60% as camas hospitalarias baleiras en Galicia e cre que "aínda hai marxe" na UCI, pero aposta por anticiparse ao pico de contaxios.

PUBLICADO O

- Advertisement -

O conselleiro de Sanidade, Jesús Vázquez Almuiña, cifrou entre o 40% e o 60% a actual ocupación das camas dos hospitais galegos, polo que considera que “aínda hai moita marxe” para o ingreso de pacientes en planta e nas Unidades de Coidados Intensivos (UCI). A pesar diso, a Xunta prepara hospitais de campaña na Coruña e en Santiago e non desbota facelo tamén en Vigo.

Nunha entrevista concedida este sábado á Radio Galega e recollida por Europa Press, o conselleiro admitiu que as previsións iniciais daban “unha maior incidencia” da COVID-19 en Galicia “a estas alturas”, xa que os cálculos realizáronse sen ter en conta o illamento social. En vista dos últimos datos, celebrou que a situación “parece que está retardada”.

Malia iso, desde esta mesma semana a Xunta prepara hospitais de campaña en Expocoruña e no Multiusos Fontes do Sar de Santiago. Preguntado sobre as informacións que apuntan a que o Ifevi de Vigo podería albergar outro destes recursos, Vázquez Almuiña respondeu: “En principio cremos que non, que non vai ser necesario porque a capacidade de Vigo é enorme”. “Pero é unha posibilidade”, recoñeceu posteriormente.

Podes ler a información completa no Galicia Confidencial.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...