Unha funcionaria do xulgado do Social de Vigo deu positivo por coronavirus, segundo informou este domingo o Tribunal Superior de Xustiza de Galicia (TSXG), que sinala que as dependencias onde exerce a traballadora foron hixienizadas antes de confirmarse o positivo.

A oficina na que exercía esta funcionaria está fóra do edificio dos xulgados, xa que se sitúa nas antigas dependencias do xulgado de preferentes.

A empregada pública atópase de baixa desde antes da declaración do Estado de Alarma. O TSXG informa que o caso foi comunicado cando aínda non estaba confirmado ao xuíz decano de Vigo, Germán Serrano.