InicioSucesosUn veciño de Vigo, xulgado por tráfico de drogas e lesións, nega...

Un veciño de Vigo, xulgado por tráfico de drogas e lesións, nega tódolos cargos que se lle imputan

O acusado nega os feitos e asegura que non vendía a droga, senón que era o comprador, así como que golpeou aos policías "porque estaba preocupado pola súa cadeliña", e que non posuía senón que só "gardaba" as cantidades de heroína, metadona e marihuana atopadas na súa casa.

PUBLICADO O

Un veciño de Vigo, R.P.R, alias ‘El Bayona’, foi xulgado este martes por dúas causas distintas na sección quinta da Audiencia Provincial de Pontevedra. A Fiscalía pide para el penas que suman 17 anos de prisión por varios supostos delitos: dous de tráfico de drogas, un de lesións e outro de atentado contra axentes policiais.

A sala prevía celebrar as dúas vistas de forma consecutiva este martes, pero dáse a circunstancia de que, debido á incomparecencia dunha testemuña (que se presentou máis tarde) e a problemas técnicos, ámbalas vistas fóronse intercalando: iniciouse a primeira e suspendeuse, iniciouse a segunda e suspendeuse, volveuse a retomar a primeira, etcétera.

En todo caso, a ausencia doutras testemuñas provocou que, aínda que declarasen xa acusado, policías e algunhas testemuñas, as vistas terán que continuar o próximo 20 de xuño.

Cocaína e outras drogas / Photopin

No primeiro dos procedementos, ‘El Bayona’, que foi condenado anteriormente por tráfico de estupefacientes, está acusado de vender heroína a un mozo na zona de Isaac Peral de Vigo en xuño de 2017. Cando foi detido, opuxo forte resistencia e supostamente agrediu e ameazou aos axentes de Policía, aos que advertiu de que tiña un rifle e que lles pasaría “factura” en canto queda libre, segundo aseguran os axentes.

No segundo caso, está acusado dos supostos delitos de lesións e tráfico de drogas, e os feitos que se xulgan remóntanse a decembro de 2016. Segundo a Fiscalía, R.P.R. mantivo, na súa casa, unha discusión cun home ao que ía vender droga, por unha diferenza de 10 céntimos no prezo da transacción.

No transcurso da pelexa, sostén a acusación pública, feriu cunha navalla ao comprador, polo que foi detido. A Policía Xudicial atopou no seu domicilio diversas cantidades de heroína, marihuana e metadona, así como útiles para a súa manipulación e venda.

DEFENSA

Tanto nunha vista como noutra, o acusado negou os cargos que se lle imputan. No primeiro caso, aseverou que non estaba a vender droga, senón comprándoa, a pesar de que tódalas testemuñas policiais manifestaron que o viron coller o diñeiro do comprador, e explicou que a súa resistencia no momento da detención foi froito da preocupación polo que podería pasarlle a unha cadeliña que estaba con el nese momento.

No outro caso, ‘El Bayona’ tamén afirmou que o suposto comprador da droga era en realidade a persona que a vendía, e mantivo que foi esa persona quen lle atacou a el por unha débeda de 80 euros. “A navalla sacouma el, e eu defendo a miña casa”, xustificou, e alegou que a droga atopada no rexistro non era da súa propiedade, senón do presunto comprador, que lla deu para que a gardase.

A defensa de R.P.R. pediu, en ambos os procedementos, a libre absolución do acusado, que confirmou na súa declaración que é consumidor habitual de heroína e alcohol.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...