O balance da pandemia de coronavirus en Galicia alcanza as 38 vítimas mortais co falecemento dunha muller de 89 anos que estaba ingresada en Santiago e un home de 57 que era atendido en Vigo.
En concreto, a muller falecida estaba no compostelán Hospital Policlínico da Rosaleda e o home no vigués Hospital Álvaro Cunqueiro e aínda que ambos foran diagnosticados de coronavirus, tiñan varias patoloxías previas, tal e como informan as autoridades sanitarias.
Este xoves faleceron tamén outros tres homes: un de 74 anos de idade que estaba ingresado no Hospital Montecelo de Pontevedra, e outros dous de 87 anos asistidos no Complexo Hospitalario de Ferrol (Chuf) e no Hospital Policlínico A Rosaleda. Todos eles presentaban patoloxías previas.
O mércores faleceron seis homes, un deles sen patoloxías previas destacadas, que tiña 84 anos de idade e estaba ingresado no Hospital Virxe da Xunqueira, do municipio coruñés de Cee.