O PSdeG sae en defensa da médica sancionada: “Agora máis que nunca hai que coidar aos profesionais”

Gonzalo Caballero, no mitin do PSOE en Vigo o 5 de outubro de 2019 / © Miguel Núñez.

O líder do PSdeG, Gonzalo Caballero, saíu este mércores en defensa dos profesionais sanitarios que “día a día se xogan a súa saúde” tentando salvar vidas, e, aínda así, reciben sancións por parte da Xunta, tal e como lle aconteceu a unha profesional da área sanitaria de Vigo. Sanción que apoio o presidente da Xunta, Alberto Núñez Feijóo.

Nunha rolda de prensa telemática, Caballero salientou que o persoal sanitario “está facendo un gran traballo” para paliar unha crise “complexa logo dos grandes recortes en sanidade, en recursos, en persoal” durante os últimos gobernos de Feijóo.

Os profesionais contan con todo o noso apoio, respaldo e recoñecemento. E cando un profesional da sanidade pública, con risco de poder contaxiarse, alerta nas redas sociais de determinados erros, é unha magnífica profesional porque está cumprindo coas normas”, dixo. “E a liberdade de expresión é compatible con respectar esas normas”, engadiu. Toda a información en Galicia Confidencial.

DEIXAR UN COMENTARIO

Please enter your comment!
Please enter your name here