A Brilat desprégase en Vigo para recoñecer “as zonas máis conflitivas”

A Brilat prosegue coa 'Operación Balmis' de colaboración en diferentes cidades co obxectivo de establecer os procedementos de actuación e as ligazóns coas autoridades locais e as Forzas e Corpos de Seguridade no marco do dispositivo contra o coronavirus Covid-19, para o que desprega efectivos este venres en Vigo, Vilagarcía (Pontevedra), Xinzo de Limia (Ourensed), así como nas localidades asturianas de Xixón e Siero.

O Exército, nas rúas de Vigo / © Miguel Núñez.

A Brilat prosegue coa ‘Operación Balmis‘ de colaboración en diferentes cidades co obxectivo de establecer os procedementos de actuación e as ligazóns coas autoridades locais e as Forzas e Corpos de Seguridade no marco do dispositivo contra o coronavirus Covid-19, para o que desprega efectivos este venres en Vigo, Vilagarcía (Pontevedra), Xinzo de Limia (Ourense), así como nas localidades asturianas de Xixón e Siero.

Segundo informou a Brilat, esta actividadse realiza no marco da operación que coordina o Mando de Operacións relativa ao despregamento das Forzas Armadas en Territorio Nacional para loitar contra a pandemia producida polo virus Covid-19.

As unidades actuarán en cada unha das citadas cidades galegas e asturianas co obxectivo de “recoñecer as zonas máis conflitivas, infraestruturas críticas e establecer unha ligazón sólida e eficaz” con autoridades locais e Forzas e Corpos de Seguridade.

Todo iso, destacou, “para facilitar os seus labores de presenza e vixilancia ante posibles incumprimentos das medidas establecidas polo estado de alarma nas zonas de especial risco para o contaxio”.