InicioSociedadeVigo será a sede dunha gran exposición para poñer en valor o...

Vigo será a sede dunha gran exposición para poñer en valor o “talento” artesanal da provincia

PUBLICADO O

A presidenta da Deputación de Pontevedra, Carmela Silva, avanzou que esta institución porá en valor o “talento” artesanal da provincia mediante unha exposición de artesanía e un desfile de traxes tradicionais que acollerá a sede de Vigo este mes.

Nunha rolda de prensa celebrada este mércores na cidade olívica, Silva detallou que ata o vindeiro mércores se exporán os traballos da zoqueira nigranesa Elena Ferro e a ceramista nada en Vila de Cruces Paula Ojea, que foron galardoadas con premios nacionais de artesanía. Deste xeito, sinalou que se busca “visibilizar” o “talento feminino” da provincia e pór en valor a cultura e as tradicións galegas.

En concreto, a presidenta da Deputación Provincial detallou que Elena Ferro redeseñou os zuecos tradicionais e integrounos ” na moda” actual mediante unha aposta por “cores atrevidas”. Ademais, esta artesá reivindicou o traballo feminino neste oficio, que desempeñaron o seu avó, o seu pai e a súa tía con anterioridade.

Ferro tamén concretou que o seu traballo de modernización deste calzado desenvolveuse entre 1995 e 2010, así como que levou a modificación da sola e a estética dos zocos para mellorar a súa comodidade e a súa estética.

DESFILE

Adicionalmente, a presidenta da Deputación de Pontevedra indicou que o desfile de traxes tradicionais galegos terá lugar este venres ás 20,30 horas. Así, mostraranse 60 roupaxes de home e muller que datan dos séculos XVIII e XIX.

Carmela Silva, que avanzou que participará no evento vestida cun traxe tradicional, destacou o labor realizado polos membros da Asociación Etnográfica Sete Espadelas, que confeccionan e analizan as clases de roupa que se utilizaban en distintas partes de Galicia para evitar que se “perda” esta parte da cultura.

Mentres, o tesoureiro da asociación, José Luís Rodríguez, detallou que este desfile se realizou con anterioridade en Pontevedra, onde sumou ao redor de 11.000 visitantes.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...