InicioSociedadeProfesionais da área Sanitaria de Vigo participan na presentación dun documental sobre...

Profesionais da área Sanitaria de Vigo participan na presentación dun documental sobre a enfermidade pulmonar EPOC

PUBLICADO O

Profesionais da área Sanitaria de Vigo participarán nun coloquio tras a proxección dun documental sobre a enfermidade pulmonar obstructiva crónica (EPOC), que terá lugar este mércores no auditorio da sede de Afundación da cidade olívica.

Tal e como trasladou a xerencia da área sanitaria, na presentación de ‘La bicicleta de Esther’ intervirán o director deste documental, Ander Luque; o médico de Atención Primaria Jaime Gonzálvez, a neumóloga Cristina Represas, a enfermeira de pneumoloxía María Luz Abale e unha paciente que padece a enfermidade, María Teresa García.

En concreto, o proxecto audiovisual, promovido por GSK e a Cátedra RespiraVida, mostra a vida dunha muller que padece a patoloxía pulmonar, Esther, e o seu marido, Antonio, e como ambos afrontan as dificultades que esta enfermidade lles crea. A historia, narrada pola paciente en primeira persoa, busca sensibilizar á cidadanía sobre como afecta a EPOC á vida diaria das persoas que a padecen.

Respecto ao contido audiovisual, o director sinalou que se centrou en personaxes anónimos e reais cos obxectivos de que “todo o mundo que convive con esta enfermidade senta identificado” e de que sexa interesante para persoas que non están relacionadas coa patoloxía.

A EPOC é, a pesar do seu descoñecemento pola maioría da poboación, a cuarta causa de falecementos en España e unha das enfermidades cuxa mortalidade é máis elevada a nivel mundial. En España, un 11,8 por cento dos adultos maiores de 40 anos padece a EPOC, cuxos principais síntomas son a disnea, a tose crónica e a expectoración.

Así mesmo, profesionais do servizo de Pneumoloxía do Hospital Álvaro Cunqueiro de Vigo levaron a cabo 600 entrevistas a pacientes da área sanitaria no marco da súa participación no estudo EPISCAN II. Deste xeito, observaron que case o 17 por cento das persoas de máis de 40 anos presentan algunha alteración obstructiva tras a realización dunha esperiometría fronte ao 11,8 por cento da media estatal. Ademais, case un 73 por cento desas persoas non estaban diagnosticadas.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...