Axuda a máis de 20.000 persoas vulnerables da provincia de Pontevedra

Banco de Alimentos de Vigo alerta de que se reduciron produtos moi demandados como leite, aceite, galletas e conserva.

Voluntarios traballan na sede do Banco de Alimentos de Vigo. FUNDACIÓN PROVINCIAL BANCO DE ALIMENTOS DE VIGO

A Fundación Provincial Banco de Alimentos de Vigo repartiu case 1,78 millóns de quilos de comida en 2019 e atendeu a 20.000 persoas vulnerables da provincia de Pontevedra a través de 150 entidades homologadas coas que traballa.

Tal e como trasladou nun comunicado a fundación, a cifra de alimentos entregados o ano pasado foi similar á rexistrada en 2018, cando se repartiron máis de 1,76 millóns de quilos de comida.

En concreto, durante o ano pasado fíxose entrega de máis de 538.000 litros de leite, case de 217.00 quilos de pasta e arroz e uns 104.000 litros de aceite. Ademais, repartíronse máis de 92.529 quilos de conservas vexetais e máis 75.323 de galletas, entre outros alimentos. Ademais, o Banco de Alimentos trasladou uns 200.000 quilos de alimentos a máis de 5.000 persoas mediante os colectivos sociais cos que colabora durante o ano 2019.

RECOLLIDA DE ALIMENTOS

Así mesmo, o último fin de semana de febreiro, a entidade renovará as operacións de recollida de alimentos que habitualmente leva a cabo en distintas superficies comerciais dado que as reservas dos produtos máis demandados, comosAlcanza os 1,8 millóns de quilos de comida repartidos nun anoO  Precisamente, a última Operación Quilo que o Banco de Alimentos levou a cabo durante o 22 e o 23 de novembro permitiu recadar 315.000 quilos de comida.

A fundación, que este ano cumpre o 25 aniversario do inicio da súa actividade, busca garantir o acceso a unha alimentación suficiente, segura e saudable dun modo gratuíto e estima que cobre o 35 por cento das necesidades das persoas ás que atende.