A marea vermella pecha un polígono en Baiona e afecta xa ao 40% das bateas

Ria de vigo Gamelas
Marea vermella/ Miguel Núñez

O polígono de mexillón existente en Baiona foi clausurado este xoves á extracción debido á presenza de toxina lipofílica (diarreica).

Así o decretou este xoves o Instituto Tecnolóxico para o Control do Medio Mariño (Intecmar), que mantén pechados 20 dos 52 polígonos existentes pola marea vermella nas rías galegas, preto do 40%.

En concreto, todos os polígonos da ría de Pontevedra se atopan pechados salvo un en Cangas. Máis da metade dos da ría de Vigo están na mesma situación, mentres hai cinco pechados na ría de Arousa e outro en Baiona.

Respecto das zonas de marisqueo, todas se atopan abertas menos unha na ría de Pontevedra (desde o día 12 de febreiro) e outras en Vigo (neste caso desde 2015).