Alerta sanitaria para que non se consuma un bote de ourego comercializado por LIDL

Detectan altos valores de alcaloides que poden provocar afeccións hepáticas en caso de inxesta masiva.

LIDL Avenida Madrid, Vigo
LIDL Avenida Madrid, Vigo

O comunicado lanzado pola multinacional alemá LIDL o pasado 28 de febreiro alerta para retirar do mercado un bote de ourego da marca KANIA de 7,5 gramos por alto valor de “alcaloides pirrolizidínicos” que poden provocar “afeccións hepáticas en caso de inxesta prolongada”

O comunicado fai referencia a dous lotes: A91832 e LC91834 do provedor WEIAND GmbH. A data de consumo preferente é xullo de 2022.

Segundo detallan no comunicado «os alcaloides son compoñentes vexetais procedentes de plantas non desexadas que crecen xunto aos cultivos e que non se separaron correctamente durante a colleita. Estes poden provocar afeccións hepáticas en caso de inxesta prolongada». Este é o motivo polo que a cadea alemá solicitou aos seus clientes que «devolvan o produto e que non o consuman».

Comunicado difundido por LIDL

Devolución e reembolso

Os botes pódense devolver en calquera tenda de Lidl e a cadea de supermercados reembolsará o prezo da compra, «mesmo sen presentar o ticket de compra».

Ningún outro lote de ourego e ningún outro produto da marca Kania, vendido por Lidl, «está afectado», aseguran no seu comunicado, que pide desculpas aos clientes polos «inconvenientes causados».

DEIXAR UN COMENTARIO

Please enter your comment!
Please enter your name here