InicioSociedadeAbel Caballero confirma a paralización da Vía Verde da que culpa á...

Abel Caballero confirma a paralización da Vía Verde da que culpa á empresa adxudicataria

PUBLICADO O

O alcalde de Vigo, Abel Caballero, confirmou este mércores a paralización da obra da Vía Verde, pola “renuncia” por parte da empresa que resultou adxudicataria dos traballos, e afirmou que o Concello está a tramitar unha nova licitación, para completar os tramos que faltan.

A Vía Verde, unha senda para ciclistas e peóns no tramo que ocupaba a antiga vía do tren entre Chapela e o centro de Vigo, foi adxudicada en febreiro de 2019 á UTE formada por Place Servicios y Obras, e Escavacións y Transportes Manuel Rodríguez, por algo máis dun millón de euros.

En agosto, o propio alcalde e varios dos seus concelleiros inauguraron o primeiro (e único) tramo executado, duns 400 metros, á altura da rúa Mestre Chané.

Con todo, o rexedor confirmou este mércores que a Vía Verde atrasarase porque a empresa adxudicataria, á que asegurou que se pedirán “responsabilidades”, “abandonou” a obra, e o Concello está a tramitar outra licitación. “Temos a partida orzamentaria”, asegurou, á vez que engadiu que esa actuación, cun proxecto “idéntico”, aparecerá no novo Plan Xeral de Ordenación Municipal (PXOM).

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...