Renfe ofrecerá 7.300 prazas adicionais a Vigo para dar servizo ás persoas que se despracen á cidade durante a tempada do Nadal para gozar da iluminación instalada nesta época do ano.
O servizo prestarase entre o 23 de decembro e o 5 de xaneiro nos trens de media e longa distancia cuxo orixe ou destino sexa a urbe olívica.
Así mesmo, as persoas que adquiran por Internet as súas prazas no Alvia que conecta Vigo e Pontevedra polas noites nesas datas poderán gozar dun desconto do 70 por cento. Mentres, os viaxeiros que compren o seu billete de modo presencial gozarán dunha rebaixa do 40 por cento.