A Fundación Naturgy organiza este xoves unha nova sesión formativa da Escola de Enerxía en Tomiño, en colaboración con este concello pontevedrés, co obxectivo de ofrecer a familias vulnerables pautas para realizar un consumo enerxético máis eficiente.
O taller formativo será este xoves ás 12.00 horas, nas dependencias do Concello. Previamente a esta sesión, os técnicos municipais tamén recibirán formación en materia de enerxía e consumo eficiente para que a poidan utilizar no seu traballo diario coas familias de Tomiño.
Este ano, a Fundación Naturgy xa organizou 20 sesións da Escola de Enerxía en distintas localidades da provincia de Pontevedra, ás cales asistiron máis de 200 familias.
Nas sesións da Escola de Enerxía trabállanse temas relacionados coa eficiencia enerxética ou a optimización de facturas. Tamén se identifica quen pode ter acceso ao bono social, e axúdaselles a solicitalo.