InicioSociedadeOs alumnos do buque-escola noruegués 'Sorlandet' colaboran co Banco de Alimentos de...

Os alumnos do buque-escola noruegués ‘Sorlandet’ colaboran co Banco de Alimentos de Vigo

Estudantes de varios países recollerán produtos de primeira necesidade nos supermercados Froiz de Praza Elíptica e Navia.

PUBLICADO O

Uns 60 alumnos da A+ World Academy a bordo do buque-escola noruegués Sorlandet, atracado no porto de Vigo, realizarán este venres unha Operación Quilo especial a favor de Banco de Alimentos.

O persoal deste barco de vela, que está a percorrer distintas cidades do mundo, púxose en contacto semanas atrás coa ONG solicitando unha acción de voluntariado para os seus estudantes procedentes de países como Noruega, India, México ou Estados Unidos, entre outros.

Por iso, este mesmo xoves, responsables da Fundación Provincial Banco de Alimentos desprazáronse ata as instalacións do buque escola, onde ofreceron unha charla formativa sobre a actividade da entidade aos novos estudantes de bacharelato.

Durante o encontro, o presidente e vicepresidente da entidade, Pedro Pereira e Iván Martínez, respectivamente, agradeceron o interese mostrado polo persoal deste buque escola.

“Ides vivir unha experiencia única, en cuestións académicas non só hai que ser os mellores estudantes ou tentalo, senón que tamén hai que saber porse na pel das persoas que, desgraciadamente, non poden ter unha vida como a vosa, que sen a axuda dos Bancos de Alimentos aínda se atoparían nunha situación peor”, destacou Martínez.

Por parte do A+ World Academy, a Assitant Dean, Gabriela Delgado, indicou que é unha “gran honra poder participar en actividades solidarias así” e agregou que supón “toda unha meta” para os alumnos achegarse a realidades próximas de necesidade.

PRAZA ELÍPTICA E NAVIA

Desta maneira, este venres os alumnos repartiranse para participar como voluntarios en dous supermercados Froiz, situados na Praza Elíptica e en San Paio de Navia, de 10,00 horas a 14,00 horas en grupos de 10 persoas. Ademais, contarán co apoio de tradutores de inglés da Escola Oficial de Idiomas, que de maneira altruísta colaborarán coa ONG.

Á vez que se celebrará a Operación Quilo, outros 40 alumnos realizarán labores de clasificación de comida no almacén de alimentos situado en Lavadores. Banco de Alimentos destacou, ademais, que aproveitando esta recollida especial, a cadea de supermercados Froiz comprometeuse a doar tamén “unha importante cantidade de produtos básicos” que chegará nas próximas datas á nave.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...