Audasa, a concesionaria da autoestrada máis rendable do estado, comezará novas obras na Ponte de Rande que causarán incidencias no tráfico. Con motivo destas obras produciranse desvíos de tráfico en dous dos seis carrís da ponte entre as 22,00 horas e as 6,00 da mañá nas noites do luns e do venres.
A empresa suliñou que este luns comezarán os traballos para “optimizar a seguridade da ponte para a súa operativa e mantemento”, o que suporá a instalación de novas varandas de seguridade na parte superior dos cabeceros metálicos, nas pilas norte e sur da ponte.
Deste xeito, a empresa detallou que os traballos se realizarán de noite con maquinaria de gran tonelaxe e coa supervisión da Dirección Xeral de Tráfico (DXT) e a Dirección Xeral de Estradas.
Audasa está sendo investigada por cobrarlle aos usuarios mentres realizaba as obras de ampliación da ponte. Unhas obras que provocaron numerosas incidencias no tráfico e que influíron na xornada laboral de moitos traballadores.
