InicioSociedadeTres familias de Vigo denuncian que a Xunta retira un coidador para...

Tres familias de Vigo denuncian que a Xunta retira un coidador para nenos discapacitados no colexio

Advirten de que a coidadora que queda "non dá abasto" e que, en lugar de inclusión, se favorece a "discriminación"

PUBLICADO O

Tres familias de Vigo denunciaron este mércores a retirada, por parte da Xunta, dun dos dous coidadores que atendían aos seus fillos –con diferentes discapacidades– no comedor do CEIP Carrasqueira da cidade olívica, “sen previo aviso” e sen argumentar a decisión.

As nais destes menores explicaron que dous dos nenos (un con síndrome de down e outro con hemiparexia) tiñan asignadas dúas coidadoras para o comedor, mentres que outro deles, con síndrome ‘X fráxil’, foi considerado o suficientemente autónomo para non necesitar axuda, nunha decisión que, segundo a súa nai, “se tomou en dez minutos”.

En todo caso, os menores contaban con eses dous apoios no comedor (xestionado pola Xunta) ata decembro e, á volta de vacacións do Nadal, “sen previo aviso e sen consultalo co centro”, retirouse un dos coidadores.

Segundo explicaron, o que debería ser unha medida de inclusión converteuse en todo o contrario, porque “a coidadora que queda non dá abasto”.

“SITUACIÓN INXESTIONABLE”

“A situación é inxestionable. Se un dos nenos ten que ir ao baño, ten que levar aos tres, porque non os pode deixar sós“, apuntou Ana María Fernández, quen lamentou: “Isto non ten nada de inclusión, é discriminación”.

A ese respecto, outra das nais, Paula Valiño, sinalou que se creou “un gueto”, porque obrigan os tres nenos a estar sempre xuntos para poder ser atendidos, a pesar de que teñen necesidades e idades dispares.

Finalmente, Clara Pereira engadiu que a situación empeorará o curso que vén, porque algún dos nenos estará “noutro patio e noutro comedor”. Se queda unha única coidadora, “terá que partirse á metade”, ironizou, e lembrou que, aínda que “o normal” sería que cada neno tivese unha coidadora, aspiran a que, polo menos, “reintégrese o segundo coidador”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...