InicioSociedadeUnha funeraria trabúcase de cadáver e incinera por erro un cidadán portugués...

Unha funeraria trabúcase de cadáver e incinera por erro un cidadán portugués en Vigo

Un erro por parte dunha compañía funeraria á hora de recoller un cadáver levou á incineración equivocada do corpo dun cidadán portugués en Vigo.

PUBLICADO O

Un erro por parte dunha compañía funeraria á hora de recoller un cadáver levou á incineración equivocada do corpo dun cidadán portugués en Vigo.

O xulgado de Tui ordenara a autopsia dun mozo, J. M. B. C, que falecera supostamente durante un accidente mentres estaba a cortar árbores, segundo indican fontes policiais.

O corpo atopábase no centro Nicolás Pena á espera de ser recollido polos seus familiares para poder celebrar o funeral. Cando a familia acudiu a buscar o cadáver atopáronse con que o corpo non estaba alí, polo que solicitaron á presenza dunha patrulla da Policía Nacional.

Segundo comprobaron os axentes desprazados, o corpo do mozo puido ser enviado por erro a unha empresa funeraria de Vigo para a súa incineración.

A Xunta, pola súa banda, aclarou que o Imelga non cometeu ningún erro na identificación dos cadáveres, senón que a empresa funeraria non comprobou correctamente o corpo que acudiu a recoller, de J.A.A. e que se atopaba no Vigo Memorial, non no Nicolás Pena.

Ante esta situación, o Goberno galego lamentou o sucedido e trasladou o seu pesar ás familias afectadas, e avanzou que xa trasladou a explicación do sucedido ao xulgado de Tui.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...