InicioEconomíaAbel Caballero acusa á Xunta de ser a responsable da marcha de...

Abel Caballero acusa á Xunta de ser a responsable da marcha de Ryainair de Vigo a Santiago

A Xunta nega "tallantemente" as acusacións e pide a Caballero que rectifique.

PUBLICADO O

O alcalde de Vigo, Abel Caballero, responsabilizou á Xunta de Galicia da marcha da aerolínea Ryainair do aeroporto de Peinador, e denunciou que o Executivo autonómico “negociou” para que a compañía trasladase eses voos a Santiago, uns voos que, segundo o primeiro edil vigués, “paga” o Goberno galego.

Nunha rolda de prensa, o rexedor olívico proclamou que “xa se empeza a saber por que Ryanair marchou”, en alusión ao anuncio feito hai semanas pola compañía de que deixa de operar o voo a Barcelona desde este luns, e que fará o mesmo cos voos a Londres e Dublín a primeiros de maio.

“A Xunta falou (con Ryanair) para que marcharan de Vigo a Santiago, e paga para que se vaian a Santiago”, proclamou Abel Caballero, quen lembrou que, cando a aerolínea pretendeu renovar o convenio cunhas condicións que non garantían os voos desde Peinador, xa sospeitou que “algo tiña que haber detrás”.

Segundo o alcalde, “a Xunta está a pagarlles os voos desde Santiago”, e criticou que o PP de Vigo “segue estando coa Xunta e contra a cidade”. En todo caso, puntualizou que o goberno municipal mantén contactos con varias compañías, que están interesadas en operar desde Peinador.

CRÍTICAS DO PP E DA XUNTA

Pola súa banda, a líder do PPdeG, reclamou este luns un “xiro” na política aeroportuaria local, para que dea resposta a “demandas e necesidades” e non a “ocorrencias” que se traducen en “fracasos”.

Pola súa banda, a Xunta de Galicia negou “tallantemente” que financie rutas aéreas, tal e como afirma o alcalde de Vigo, Abel Caballero. Así o trasladou o delegado territorial do goberno autonómico, Ignacio López-Chaves, que lembrou que Abel Caballero é quen “leva anos dinamitando a coordinación aeroportuaria, unha actitude que lle responsabiliza de reforzar O Porto en detrimento de Vigo”.

“Esiximos ao alcalde que deixe de culpaar ao presidente dos seus fracasos de xestión coas compañías que operan en Peinador”, apuntou o delegado territorial.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...