Atopan en bo estado o sexaxenario desaparecido o sábado en Vigo

Manuel Sánchez Noriega foi localizado en Pontevedra

O home desaparecido en Vigo o pasado sábado. SOS DESAPARECIDOS

O veciño de Vigo Manuel Sánchez Noriega, de 69 anos de idade, a quen a súa familia buscaba desde o pasado sábado, foi localizado en bo estado na cidade de Pontevedra.

Así o confirmaron fontes da Comisaría de Policía de Vigo, que explicaron que o home foi atopado polo seu fillo en Pontevedra e que estaba “en perfecto estado de saúde”.

Manuel fora visto por última vez o sábado sobre as 14,00 horas, cando o seu fillo saíu do piso que ambos comparten na rúa Cervantes de Vigo para comprar pan. Á volta, atopouse coa porta aberta e a vivenda baleira.