As mulleres tamén se preparan para a defensa persoal en Arbo

O auditorio multiusos de Arbo acollerá unha charla sobre defensa persoal feminina este sábado ás 19,00 horas. Esta actividade aspira a ofrecer ás mulleres a preparación física e mental necesarias para saber como enfrontarse a distintas situacións, segundo precisou o municipio pontevedrés nun comunicado.

Deste xeito, a través dunha “visión que abarca os espazos físicos, emocionais e psicolóxicos”, informa o Consistorio, tamén se busca crear unha rede de unión entre as participantes neste proxecto.

A organización do curso, que estará impartido polo adestrador de defensa persoal feminina Juan José Martínez, conta coa colaboración da Asociación de Mulleres Rurais.