Arbo contará con centro de atención diúrno para atender ás persoas da terceira idade

A cooperativa S. Coop Galega será a encargada de rehabilitar e manter as instalacións.

Firma do convenio entre o alcalde de Arbo, Horacio Gil, e a presidenta de S. Coop Galega, María Asunción Pérez, para xestionar unha residencia de maiores en Arbo / Concello de Arbo

O Concello de Arbo (Pontevedra) contará cun centro de atención diúrno para satisfacer as necesidades das persoas da terceira idade e mellorar a súa calidade de vida despois da xubilación.

En concreto, as instalacións situaranse nun inmoble da parroquia de Sela, que será cedido por un período de 15 anos. Así, as obras de rehabilitación da vivenda comezarán en febreiro, mentres que a súa apertura terá lugar dentro de seis meses.

Deste xeito, a cooperativa S. Coop Galega será a encargada de rehabilitar e manter as instalacións, nas que estarán empregadas persoas residentes no municipio pontevedrés.

Segundo informou o Consistorio nun comunicado, a decisión que permitiu pór esta iniciativa en marcha foi tomada no pleno do 28 de decembro e ratificada coa firma do convenio de cesión entre o alcalde de Arbo, Horacio Gil, e a presidenta de S. Coop Galega, María Asunción Pérez.