InicioPolíticaA Xunta mellora a seguridade dos xulgados de Cangas

A Xunta mellora a seguridade dos xulgados de Cangas

A Xunta reforzou a seguridade nos xulgados de Cangas do Morrazo (Pontevedra), coa instalación de novos sistema de videovigilancia, nunha actuación que se enmarca no plan de mellora da seguridade deste tipo de edificios.

PUBLICADO O

A Xunta vén de reforzar a seguridade nos xulgados de Cangas do Morrazo (Pontevedra), coa instalación de novos sistema de videovixilancia, nunha actuación que se enmarca no plan de mellora da seguridade deste tipo de edificios.

O director xeral de Xustiza, Juan José Martín, visitou este xoves os xulgados cangueses para supervisar estas melloras, que consistiron na instalación de 12 novas cámaras, un monitor de 32 polgadas, unha gravadora, dous discos duros, un SAI (sistema de alimentación ininterrompida) e todo o equipamento para que funcione correctamente.

Ao amparo dese plan de mellora da seguridade, a partir de 2019, informou a Xunta, abordaranse “novos investimentos” nos edificios que restan e iniciarase, de modo graduado, “a instalación de escáneres e arcos detectores” nos xulgados que aínda non os teñan.

Segundo recordaron fontes do Goberno galego, en 2010 aprobouse un “ambicioso” plan de infraestruturas xudiciais, que supuxo un investimento de case 100 millóns de euros, destinados a grandes proxectos e tamén a obras de menores, “pero moi relevantes para a mellora das instalacións”.

Agora, a Xunta está a completar ese plan coa renovación de mobiliario (cun investimento previsto duns 5 millóns de euros entre 2019 e 2021); e co proxecto de mellora da seguridade nos edificios xudiciais.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...