O vicepresidente da Xunta visita Baiona no marco dunha campaña pola igualdade e contra a violencia de xénero

O vicepresidente da Xunta, Alfonso Rueda, visitou este mércores un centro sociocomunitario de Baiona (Pontevedra) para participar nunha actividade organizada no marco 'Igual a nós', que ten o obxectivo de promover a igualdade e a loita contra a violencia de xénero entre os usuarios destas instalacións.

O líder do PP de Pontevedra e vicepresidente da Xunta, Alfonso Rueda / xunta.gal

O vicepresidente da Xunta, Alfonso Rueda, visitou este mércores un centro sociocomunitario de Baiona (Pontevedra) para participar nunha actividade organizada no marco ‘Igual a nós’, que ten o obxectivo de promover a igualdade e a loita contra a violencia de xénero entre os usuarios destas instalacións.

Segundo informa o Goberno galego, no acto tamén participaron a secretaria xeral de Igualdade, Susana López Abella; o director xeral de Inclusión Social, Arturo Parrado; e o alcalde de Baiona, Ángel Rodal.

O programa ‘Igual a nós’ desenvólvese nun total de 30 centros sociocomunitarios de Galicia, co obxectivo de promover a educación en igualdade e fomentar a participación social nestas iniciativas.

A actividade consiste nunha representación teatral sobre temas relacionados coa desigualdade entre homes e mulleres, os estereotipos e a violencia de xénero. Todos eses conceptos tamén son abordados nunha charla posterior.