Trinta especialistas de oito países -España, Noruega, Suíza, Reino Unido, Holanda, Portugal, Italia e Polonia- participaron no campus de Vigo na reunión de lanzamento de Safeway, o primeiro proxecto europeo que lidera a Universidade de Vigo dentro dos programas marco de innovación da Comisión Europea (Horizonte 2020 e FP7).
Deste xeito, a Universidade de Vigo sitúase como referente no ámbito da enxeñaría civil e, en particular, consolida a importante actividade que os grupos de Xeotecnoloxías Aplicadas, Encomat e Tecnoloxías Enerxéticas veñen desenvolvendo neste ámbito nos últimos anos”.
Financiado con 4,5 millóns de euros, dos que 708 .00 corresponden á institución académica viguesa, o gran obxectivo deste proxecto é crear un sistema europeo de xestión de infraestruturas capaz de deseñar, validar e establecer métodos, estratexias, ferramentas e intervencións técnicas para aumentar de xeito significativo a resistencia e a seguridade da rede de estradas e de infraestruturas ferroviarias ante circunstancias adversas ou eventos extremos, desde inundacións ata secas, incendios forestais, terremotos ou corrementos de terra. Para conseguilo teñen por diante 42 meses de traballo –a data prevista de finalización é febreiro de 2022-.