InicioVigo e contornaVigoXabier Pérez será o cabeza de lista do BNG en Vigo para...

Xabier Pérez será o cabeza de lista do BNG en Vigo para as eleccións municipais

Baixo a lema 'Vigo máis alá', Xavier Pérez Igrexas quere que Vigo avance cara a unha cidade de iguais en positivo, cun firme compromiso co feminismo, e moi comprometido coas necesidades reais dos vigueses.

PUBLICADO O

O Bloque Nacionalista Galego (BNG) presentou este xoves de forma pública ao seu candidato á alcaldía de Vigo, Xabier Pérez Igrexas, de cara ás próximas eleccións municipais do mes de maio.

O acto, que tivo lugar en AC Hotel by Marriott, contou coa presenza da portavoz nacional do Bloque, Ana Pontón; a deputada galega e responsable local do BNG de Vigo, Carmela González, e o concelleiro e candidato á alcaldía de Vigo, Xabier Pérez Igrexas.

Baixo a lema ‘Vigo máis alá’, Xavier Pérez Igrexas quere que Vigo avance cara a unha cidade de iguais en positivo, cun firme compromiso co feminismo, e moi comprometido coas necesidades reais dos vigueses.

Despois de anos de inercia paralizante dun goberno municipal absolutamente incapaz é momento de dar a Vigo un novo impulso, é hora de resetear a cidade. Fronte a quen só pode ofrecer máis do mesmo, o BNG vai levar a Vigo máis aló, máis aló do parque temático, as luces de Nadal e do dinoseto. Máis aló dos titulares, as promesas incumpridas importantes para a cidade como a Saída Sur e as actuacións virais en estudios televisivos cun proxecto en positivo que vai pór ás persoas no centro e que vai atender as necesidades reais dos vigueses pondo fin ao abandono que padecen os nosos barrios e parroquias avanzando cara a unha cidade de iguais”, sinalou Igrexas.

Pérez Igrexas deu a coñecer a súa folla de ruta de face ás próximas municipais que se celebrarán en apenas 192 días. Entre as súas liñas marcadas están a súa intención de converter ao Concello de Vigo nun “auténtico paracaídas social” para “combater a crecente pobreza e empobrecemento e facilitar o acceso social á vivenda”.

Tamén puxo en valor o seu “firme compromiso” co feminismo e coa defensa da comunidade LGTBI, a procura dun Vigo “máis verde” e comprometido co medio ambiente, a aposta por máis servizos públicos baixo xestión pública, a defensa do benestar animal, ademais de impulsar o comercio local e a industria da cidade para facer de Vigo “o pulmón industrial de Galicia” e converter á cidade olívica na “capital galega da innovación, a tecnoloxía e as comunicacións”.

O candidato do BNG á alcaldía de Vigo enfróntase ás próximas municipais co “firme compromiso de seguir traballando duro a pé de barrio xunt aos movementos sociais falando con todos” e con ambición “aspirando a todo”.

Pola súa banda, Ana Pontón agradeceu o traballo de Pérez Igrexas ao longo do actual mandato en defensa dos intereses de Vigo. “A cada crítica, Xabier formulou unha proposta en positivo. A cada problema unha solución a favor da cidade. Así é como o BNG entende a política mentres outros se perden nun enfrontamento inútil que está a facer perder moitas oportunidades á cidade de Vigo. Vigo merece moito máis que ser o campo de batalla de egos políticos, merece políticas que pensen en grande e no futuro desta cidade”, sinalou.

A líder do BNG tamén avogou polo diálogo para mirar cara adiante. “O futuro de Galicia non se entende sen un Vigo puxante, que avance e para iso hai que cambiar o ruído pola negociación, hai que acabar coa discriminación do Goberno do PP e apostar por unha colaboración construtiva a favor dos vigueses. Hai que romper con ese círculo vicioso que fai que Vigo quede atrás e non poida avanzar e para logralo é importante que o BNG teña un papel determinante no futuro de Vigo despois dunhas municipais nas que imos a por todas, sen pornos límites e coa convicción de que contamos co mellor proxecto”, engadiu.

Por último, Carmela González destacou a “cohesión e unidade do BNG en Vigo plamada na elección de Xabier Pérez Igrexas como candidato á alcaldía de Vigo de forma unánime”. “Non terá a viralidade doutro pero é o mellor candidato á alcaldía de Vigo”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...