InicioSociedadeO Porriño acolle un campionato de Tenis de Mesa pola saúde mental

O Porriño acolle un campionato de Tenis de Mesa pola saúde mental

No torneo, organizado por Saúde Mental FEAFES Galicia en colaboración con Always TM, participarán 42 xogadores e xogadoras procedentes de toda Galicia.

PUBLICADO O

Saúde Mental FEAFES Galicia celebra este venres, 4 de novembro, o XII Campionato de Tenis de Mesa para persoas con problemas de saúde mental. Trátase dun encontro lúdico e deportivo no que participarán seis asociacións procedentes de toda Galicia e que conta coa colaboración da organización local Always TM.

O torneo terá lugar nas instalacións de Always TM dende as 10:00 ata as 14:00 horas aproximadamente. Durante este tempo, desenvolveranse unha serie de partidos individuais nos que se enfrontarán 42 participantes. Tras a celebración do campionato, terá lugar a entrega de premios e, posteriormente, quen asistan celebrarán un xantar de convivencia.

As persoas que participarán no torneo proveñen de distintos lugares da xeografía galega e
pertencen a seis asociacións e delegacións de Saúde Mental FEAFES Galicia: Andaina (Dodro e Ordes), Doa (Vigo e Cangas), Lenda (Redondela), Avelaíña (A Guarda, Baiona, Ponteareas), e Saúde Mental Ferrol (Narón) e Saúde Mental FEAFES Galicia (Vigo).

O Campionato de Tenis de Mesa ten como obxectivo promover o deporte en igualdade,
impulsar a actividade física entre as persoas con problemas de saúde mental e loitar contra o estigma social que sofre este colectivo. A través deste torneo, Saúde Mental FEAFES Galicia busca “amosar á sociedade unha imaxe normalizada da saúde mental, combatendo de modo activo os estereotipos negativos e os falsos prexuízos que se asocian a estas persoas”.

As actividades de ocio e deportes, segundo explica a asociación, axudan a mellorar a calidade de vida das persoas con problemas de saúde mental e das súas familias, pois as persoas participantes rompen coa rutina diaria, realizan actividade física dende unha perspectiva lúdica, enriquécense culturalmente, socializan e intégranse na sociedade. Á súa vez, permiten un respiro ás familias na súa tarefa de coidados.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...