Na área sanitaria de Vigo, que segundo o último balance lidera os positivos diarios detectados, subiron en tres os pacientes de coronavirus hospitalizados, ata o total de 36.
O Álvaro Cunqueiro concentra a maior parte dos pacientes, 31, dos que cinco están en críticos, seguido de Povisa con tres e o Vithas Fátima, dous, un deles en UCI.
Os pacientes diagnosticados de COVID-19 que permanecen ingresados en hospitais de Galicia volveron a subir en 24 horas, ata situarse no total de 289 este domingo, 14 máis que o sábado. De todos eles, hai 43 nas unidades de coidados intensivos (UCI), tres máis que hai un día.
