O odio da ultradereita: Vox denuncia a Abel Caballero en Comisaría pola colocación da bandeira LGTBI no Concello

O partido neofascista ameaza con "accións xudiciais".

Bandeira LGTBI / ARQUIVO

O presidente provincial do partido de ultradereita VOX en Pontevedra, Álvaro Díaz-Mella, presentou un escrito na Comisaría de Policía Nacional da cidade para denunciar o alcalde de Vigo, Abel Caballero, pola colocación dunha bandeira LGBTI na fachada do Concello

Segundo a versión da formación neofascista, o rexedor vulnera a lei 39/1981 que regular o uso da bandeira de España e doutras, e tamén “podería estar a incorrer nunha infracción tipificada no artigo 543 do Código Penal” (ofensas a España, ás Comunidades Autónomas ou aos seus símbolos).

Díaz-Mella instou o alcalde da cidade a que, segundo a súa versión, “restableza a legalidade e retire de forma inmediata a bandeira LGTBI”, e advertiu de que a denuncia é só “a primeira advertencia” porque Vox está “a estudar accións xudiciais” respecto diso, xa que “non é a primeira vez” que Abel Caballero “non respecta a legalidade”.