InicioPolíticaO Concello de Vigo abre expediente sancionador á Xunta por despregar unha...

O Concello de Vigo abre expediente sancionador á Xunta por despregar unha lona no Berbés co logo do Xacobeo

Fora instalada no edificio no que se construíu un albergue de peregrinos. O Goberno galego considera que Abel Caballero está "en contra" do Xacobeo e do Camiño de Santiago.

PUBLICADO O

- Advertisement -

O Concello de Vigo abriu expediente sancionador á Xunta de Galicia pola instalación dunha lona no edificio no que construíu un albergue de peregrinos, no Berbés, no casco vello.

Segundo anunciou o alcalde, Abel Caballero, o departamento de Urbanismo abriu este expediente despois de varias advertencias á Xunta sobre a colocación dunhas lonas co logotipo do Xacobeo e o texto ‘Rede pública de Albergues do Camiño de Santiago’.

O rexedor sinalou que a instalación desas lonas na fachada do edificio rehabilitado contravén “gravemente” a ordenanza. “Avisámolo unha vez, e non fixeron caso; avisámolo unha segunda vez, e non fixeron caso, e ademais, enganaron aos inspectores de Urbanismo”, censurou Caballero.

Segundo explicou, a Xunta retirou as lonas cando os técnicos foron a supervisar a obra para outorgar a licenza de actividade, “se non, non se deu a licenza”. “Retiráronas para a visita dos inspectores e volvéronos a pór”, denunciou.

É a primeira vez que o Concello se ve obrigado a abrir un expediente por incumprir a norma. Pregúntolle a Feijóo, se vostedes non cumpren as ordenanzas, como lles piden aos cidadáns que as cumpran”, afirmou o alcalde, e lembrou que “para pedir aos cidadáns que cumpran as normas, hai que ter a autoridade moral de cumprilas”.

RESPOSTA DA XUNTA

En resposta a este anuncio, o Goberno galego lamentou que o alcalde está “en contra” do Xacobeo e do Camiño de Santiago, “unha fonte de ingresos para hostaleiros e comerciantes”.

Precisamente, a delegada territorial da Xunta en Vigo, Marta Fernández-Tapias, sinalou que o rexedor “busca a confrontación” coa administración autonómica, “precisamente” cando o Goberno galego anuncia que os hostaleiros van colocar sinalización do Camiño nos seus locais, dado que o Concello rexeita instalar esa sinalización. “As lonas moléstanlle, igual que lle molesta a sinalización do Camiño, que é un símbolo”, sentenciou.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...