InicioPolíticaXosé Represas deixa a Alcaldía de Ponteareas que podería asumir Cristina Fernández

Xosé Represas deixa a Alcaldía de Ponteareas que podería asumir Cristina Fernández

O nacionalista alega motivos de saúde. O BNG aposta pola tenente alcalde Cristina Fernández coma sucesora.

PUBLICADO O

O Alcalde de Ponteareas, o nacionalista Xosé Represas, presentou a súa renuncia na mañá deste xoves por razóns de saúde. Represas estaba de baixa por enfermidade dende o pasado mes de decembro, ocupando a alcaldía dende entón a primeira tenente de alcalde, a nacionalista Cristina Fernández Davila.

Por iso, o BNG proporá que a nova alcaldesa sexa Cristina Fernández Davila, actual primeira tenente de alcalde, quen compartiu responsabilidades de goberno con Represas dende 2015. A formación nacionalista salientou a experiencia e a capacidade da que, previsiblemente, será nova alcaldesa de Ponteareas quen, co resto do grupo municipal, seguirán dando resposta coa mesma ilusión e capacidade aos retos do Concello.

“Durante as últimas semanas Xosé Represas e o Grupo Municipal do BNG viñeron traballando con intensidade no seu relevo para que o proxecto político do BNG e a acción de goberno continúe con eficacia nos dous anos que restan do actual mandato”, apuntan os nacionalistas nun comunicado.

A formación nacionalista expresou a súa tristura e o seu pesar pola renuncia de Represas, a quen transmitiron “todo o ánimo e alento para continuar enfrontando o seu estado de saúde coa coraxe e a forza que veu demostrando nestes meses”.

Ademais, os nacionalistas eloxiaron a figura de Represas ao fronte do Concello dende o ano 2015. “O goberno presidido por Xosé Represas marcou un antes e un despois na historia política de Ponteareas, supuxo un novo xeito de gobernar”, salientou o BNG. “Represas destacou pola súa capacidade, a súa entrega a Ponteareas e á súa veciñanza e o seu talante dialogante e conciliador”, engadiu a forza nacionalista.

A voceira nacional do BNG, Ana Pontón tamén transmitiu o seu recoñecemento á “traxectoria exemplar de Xosé Represas, o primeiro alcalde nacionalista da historia de Ponteareas” e desexoulle o seu restablecemento.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...