InicioPolíticaAbel Caballero: "O BNG terá que explicar porque votou con Vox contra...

Abel Caballero: “O BNG terá que explicar porque votou con Vox contra Vigo”

Destaca que os PGE son "bos" para a cidade. Caballero tamén criticou as obras do centro de saúde de Bouzas.

PUBLICADO O

O alcalde de Vigo, Abel Caballero, volveu a criticar este venres o voto contrario do BNG aos Orzamentos Xerais do Estado (PGE) e instou ao deputado Néstor Rego a “que explique por que o BNG vota con Vox en contra da cidade“.

Nunha rolda de prensa, o rexedor olívico subliñou que as contas presentadas polo Goberno e aprobadas nas últimas horas no Congreso recollen “todo” o que el pediu para Vigo, e subliñou que, ademais, hai unha autorización de crédito extraordinario por 275 millóns para compensar as perdas no transporte público en todo o país.

Con respecto ás críticas de Néstor Rego sobre a posición do alcalde e do PSOE, que non apoiaron emendas do BNG para incrementar en 45 millóns os investimentos na área viguesa, o alcalde apuntou que “o que lle pasa ao señor Rego é que non coñece Vigo“.

CRÍTICAS AO CENTRO DE SAÚDE DE BOUZAS

Caballero,volveu a criticar este venres as obras do novo centro de saúde de Bouzas, que leva a cabo a Xunta nunha parcela cedida polo Concello en 2008, e reiterou que o goberno galego “reduciu” tanto o proxecto que se converteu nun “minicentro de saúde”, “unha casiña case de xoguete”, na que haberá que entrar “de perfil”.

Así o manifestou o rexedor nunha rolda de prensa, e en referencia á visita que este venres prevé realizar á obra o conselleiro de Sanidade, Julio García Comesaña. “Aconséllolle que entre de perfil, porque de fronte non cabe, non se vaia a lesionar”, ironizou Caballero.

O alcalde insistiu en que a obra leva “10 anos de atraso” e que, ademais, ao reducir as súas dimensións e servizos, o centro de saúde non poderá atender “nin sequera á poboación de Bouzas”. “Non haberá pediatra sen asistente social”, denunciou, e criticou que a Xunta “nin sequera tivo a cortesía” de convidar ao goberno local á visita.

Por outra banda, e en relación coa pandemia de COVID, tras constatar que a incidencia segue baixando na cidade de Vigo (con 219 casos por 100.00 habitantes nos últimos 14 días), o alcalde cuestionou que o conselleiro de Sanidade “diga unha cousa” no Consello Interterritorial e Feijóo “diga outra aos medios”. “Voulle a dar un consello ao señor Feijóo: non critique as medidas sanitarias porque iso xera desconcerto, sexa prudente e deixe de facer política coa saúde”, afirmou o rexedor

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...