InicioVigo e contornaMosEsquerda Unida pide ao Defensor do Pobo investigar a residencia de Salvaterra

Esquerda Unida pide ao Defensor do Pobo investigar a residencia de Salvaterra

Traballadoras denunciaron a situación na que se atopan os anciáns.

PUBLICADO O

- Advertisement -

A coordinadora nacional de Esquerda Unida, Eva Solla, presentou este luns o escrito que rexistrou ante o Defensor do Pobo co obxectivo de que investigue a situación da residencia de Salvaterra do Miño, onde traballadoras denunciaron a situación na que se atopan os anciáns.

Así, Solla apelou a que este comisionado ten tamén encomendadas os labores Mecanismo de Prevención contra a Tortura no Estado, en coordinación coas Nacións Unidas, polo que sinala esta condición co fin de que se elabore o informe pertinente para pescudar a situación.

Preguntado por este caso, o presidente da Xunta, Alberto Núñez Feijóo, afirmou que se seguía “investigando” para aclarar se nesta residencia, intervida pola Administración galega, hai irregularidades. Tamén dixo que se houbese “algo”, “actuarase”.

Esquerda Unida quere que se investigue este caso “en aras de protexer os dereitos fundamentais dos maiores residentes e estudar o posible sometemento a tratos vexatorios ou degradantes”.

Na exposición de motivos da denuncia, Solla apunta que estas denuncias das traballadoras, acompañadas por documentos gráficos, revelan “aparentes tratos degradantes e vexatorios” contra as persoas alí residentes, así como unhas condicións “insalubres”.

ZONAS COMÚNS “SUCIAS”

Nesa denuncia, sinálase que hai zonas comúns “sucias” nas que “mesmo o calzado queda pegado ao chan”, así como “ausencia de roupa de cama e elemento básicos de aseo persoal, carencia de roupa para poder cambiar ás persoas encamadas como pode ser cuñas para ouriñar ou defecar”, o que se traduce no uso de cueiros.

Ademais, Eva Solla tamén apuntou, como recolle a denuncia, que as persoas residentes teñen “consecuencias graves” da inmobilidade e un 90 por cento presenta úlceras pola “ausencia” de cambios posturais. Tamén se apuntan “graves incumprimentos dos dereitos destas persoas, con privación de obxectos persoais ou restrición de liberdade”.

Para Esquerda Unida-Esquerda Unida supón unha “posible vulneración de dereitos fundamentais”, como o dereito á integridade física e moral ou o dereito á non discriminación”.

“Estas persoas non teñen voz e ninguén se preocupa por defendelas”, lamentou Eva Solla, quen reclamou que se “estuden estas vulneracións” e posibles “malos tratos” a estas persoas maiores.

SITUACIÓN DE MOS E SANIDADE

Eva Solla tamén se mostrou “moi preocupada” pola situación da residencia de Mos, con máis dun cento de contaxiados, e tamén se referiu a a comparecencia da delegada de DomusVi na comisión de reactivación do Parlamento para indicar que foi “desafortunada” e “irrespetuosa” con respecto ás familias dos residentes e, singularmente, dos falecidos.

Precisamente, Esquerda Unida levou á Comisión de Peticións do Parlamento Europeo unha denuncia pola xestión sanitaria nas residencias de maiores na primeira onda da pandemia, a cal foi admitida a trámite.

A exdeputada autonómica tamén aproveitou a súa comparecencia para enviar “apoio e ánimo” ás traballadoras sanitarias e, particularmente, ás que traballan en coidados intensivos no Hospital Clínico e que este luns iniciaron unha folga indefinida.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...