InicioPolíticaO BNG de Vigo pide ao goberno local "un plan de continxencia...

O BNG de Vigo pide ao goberno local “un plan de continxencia para enfrontar a segunda onda” da pandemia

PUBLICADO O

O BNG de Vigo reclamou este martes ao goberno local da cidade que poña xa en marcha un “plan de continxencia” para enfrontar “a segunda onda” da pandemia de coronavirus que, á vista dos datos, “está ás portas ou xa aquí”, e para que a cidade estea “preparada”, con servizos públicos reforzados e con atención aos máis vulnerables.

Así o trasladou o concelleiro nacionalista Xabier Pérez Igrexas, quen advertiu de que, durante a crise sanitaria entre marzo e maio, as administracións actuaron con “improvisación” e “falta de planificación”. “Pero agora xa temos datos, experiencia e sabemos o rápido que se pode complicar a situación. Aprendamos a lección da primeira onda de contagios”, reclamou.

Por iso, pediu a todas as administracións que actúen “con dilixencia, rapidez e contundencia”. Así, lembrou que o BNG xa reclamou declarar o estado de emerxencia sanitaria en Galicia, a unha Xunta “absolutamente ausente, incapaz de exercer as súas competencias” e que “agora pide ao Goberno español que lle resolva a papeleta”.

No caso do Concello de Vigo, Xabier Pérez Igrexas pediu un “plan de continxencia” que inclúa o reforzo de mecanismos de prevención e a garantía da subministración de servizos públicos básicos, así como o apontoamento dos mecanismos de atención a persoas vulnerables.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...